Zënter 1987 erënnert d’Journée internationale d'action pour la santé des femmes un dat fundamentaalt Recht vun all Fra, Zougang zu enger qualitativ héichwäerteger, zouverlässeger a respektvoller Gesondheetsversuergung ze hunn. Am Ufank louch de Fokus virun allem op Schwangerschaft a Gebuert. Mee de Bléckwénkel huet sech verännert: haut steet och d’allgemeng Gesondheet vun der Fra ëmmer méi am Mëttelpunkt. Vill Symptomer vu Krankheeten triede bei Fraen anescht op wéi bei Männer, an d’medezinesch Fuerschung orientéiert sech nach ze dacks un Stereotyppe vun engem männleche Patient. Dëse Sujet war um Ordre du jour vun der Chamber a gouf och an de leschte Méint ëmmer erëm am Kader vu spezifesche Gesondheetsthemen, déi Frae betreffen, ugeschwat. Esou war zum Beispill och de « Bus du Coeur des Femmes » op Passage zu 🇱🇺. All des Aktiounen hunn dozou gefouert, datt mir am Kader vum « plan d'action national pour une égalité entre les femmes et les hommes » vum Ministère de l‘Égalité des genres et de la Diversité, d‘Organisatioun vun enger « semaine de la santé des femmes » an d’Weeër leeën - eng Woch, an där sech jidderee iwwer Theme ronderëm d’Fraegesondheet informéiere wäert kënnen.