🩻 Journée mondiale de la radiologie: Haut soll d’Wichtegkeet vun der Radiologie an eisem Gesondheetssystem ervirgehuewe ginn, fir fréizäiteg Krankheeten ze erkennen, richteg Diagnosen ze stellen an déi adaptéiert Behandlungen ze fannen. ⚠️ Gläichzäiteg ass dësen Dag och d'Geleeënheet, fir op d’Risiken an de verantwortungsvollen Ëmgang mat Stralung opmierksam ze maachen. D’Radiologie bréngt vill Virdeeler mat sech, mee et ass wichteg, dës Technologie bewosst a mat Fachwëssen unzewenden. 👩‍⚕️ Zu 🇱🇺 spillt de Beruf vum Assistant technique médical en radiologie (ATM) eng wichteg Roll an dësem Beräich. Si schaffe mat héichmodernem Equipement wéi Rëntgengeräter, Scanneren, IRMen oder an der Nuklearmedezin a suerge gläichzäiteg dofir, dass d’Patient*innen sech wuel a gutt encadréiert fillen. 👉 Weider Infoen zum ATM en radiologie fannt dir hei: https://healthcareers.public.lu/fr/fiches-metiers/profession-de-sante-reglementees/assistant-technique-medical-de-radiologie.html