🏥 Eng nei Adress fir d'Maison Médicale Nord zu Ettelbréck! 🎉 Haut hu mir dat neit Gebai vun der Maison Médicale Nord offiziell ageweit. Mat dësem neie Standuert kritt d'Ekipp modern a passend Raimlechkeeten, fir hir wichteg Aarbecht am Déngscht vun de Patient*innen, weiderzeféieren. 👩‍⚕️ Dëst ass och fir mech eng gutt Geleeënheet drun z'erënneren, dass den Hausdokter, als Spezialist an der médecine générale, déi éischt Ulafstell bleift. Hie kennt seng Patient*innen, begleet si a weess, wéini eng weider medezinesch Ënnerstëtzung néideg ass. 🩺 D'Maisons Médicales sinn eng wichteg Ergänzung, wa medezinesch Hëllef ausserhalb vun den normale Praxiszäite gebraucht gëtt. Esou kënne mir och eis Spidolsurgencen entlaaschten: Déi sollen sech op déi Fäll konzentréieren, di séier an akut mussen an engem Spidol encadréiert ginn! ❤️Mat eiser Campagne „I love my Hausdokter“ wëlle mir dës richteg Reflexer stäerken. Well eng gutt Gesondheetsversuergung fänkt domat un, ze wëssen, wou een soll higoen fir déi Hëllef ze kréien déi ee brauch! Martine Deprez